Íris fagnaði áramótum á klósettinu

Nú stytt­ist óðum í ára­mótin og ákvað Mannlíf að heyra í nokkrum frá­bærum ein­stak­lingum um upp­á­halds­ára­mót þeirra, hvort við­kom­andi ætli að strengja ára­móta­heit og margt fleira

Íris Kristín Smith, grínisti og hlað­varps­þátta­stjórn­andi, er fyrst en hún hefur heldur betur upp­lifað óvenju­leg ára­mót.

Hver eru þín eftirminnilegustu áramót?

Mín eft­ir­minni­leg­ustu ára­mót eru lík­leg­ast þegar 2020 gekk í garð. Ég varð óvænt mjög veik í mag­anum á mið­nætti og fagn­aði nýju ári á kló­sett­inu. 1. jan­úar vakn­aði ég með gin- og klaufa veik­ina, eng­inn annar nema ég var veikur. Síðan stuttu seinna kom Covid og við vitum hvernig það ævin­týri end­aði. Ekki mín upp­á­halds ára­mót en klár­lega eft­ir­minni­leg.

Lumar þú á góðri áramótasögu?

Áramótin 2016 þá vorum við um kvöldið vorum við að sprengja köku sem fer á hlið­ina. Skotin úr kök­unni fóru í allar áttir og við þurftum að fela okkur bak­við bíla á meðan þetta gekk yfir. Eftir þetta hef ég verið frekar hrædd við flug­elda. Eftir mat­inn skelltum við okkur á Hvíta riddar­ann í Mosó á ára­móta­ball. Það var því­líkt ævin­týri, fyrsta sinn sem ég fór á ára­móta­ball og það var rosa­legt partý. Ég mun aldrei gleyma því þegar það voru gaurar að slamma við lagið Killing in the Name Of og slamma hausnum í glasið hjá stelpu sem var ný búin að kaupa sér bjór. 

Ætlar þú að strengja áramótaheit?

Ég er ekki oft að strengja ára­móta­heit en mark­miðið er að vera með uppi­stand á árinu og halda áfram að hafa gaman og prófa nýja hluti.

Hefur þú gert það áður?

Eitt af mínum upp­á­halds ára­móta­heitum er þegar ég ákvað að prófa eitt­hvað nýtt í hverjum mán­uði í heilt ár og það gekk ótrú­lega vel. Ég fór á alls­konar nám­skeið og próf­aði fullt af nýjum hlutum sem ég hefði lík­leg­ast aldrei gert. Mæli með, ótrú­lega skemmti­legt ára­móta­heiti.

Hvað ætlar þú að gera um næstu áramót?

Planið um ára­mótin er að vera með fjöl­skyld­unni, borða góðan mat og horfa á skaupið. Áramótin verða mun rólegri þegar maður eign­ast börn þannig það er bara að njóta með stelp­unum mínum og hafa gaman.