Rúta og tveir fólksbílar lentu í umferðarslysi á E4-veginum við Lövånger í Svíþjóð. Fjórir einstaklingar hafa verið fluttir á sjúkrahús.
„Þetta er algjör ringulreið. Fólki blæðir og er vafið í teppi í kringum rútuna,“ segir vitni sem sat fast í umferðarteppu fyrir aftan slysið.
„Við erum á vettvangi og aðstoðum viðbragðsaðila. Okkur hefur verið tilkynnt að rútan sé í skurði og að tveir fólksbílar séu í skurði hinum megin við veginn, segir Elisabeth Glaas, talsmaður lögreglunnar.“
Samkvæmt SVT Västerbotten voru 48 farþegar um borð í rútunni. Slysið átti sér stað um hádegisbil í dag. Öll ökutækin voru á leið suður. Slysið hefur haft mikil áhrif á umferð og er vegurinn lokaður í báðar áttir.
Á myndum frá vettvangi má sjá rútuna liggja á hliðinni í skurði. Samkvæmt lögreglu voru fjórir einstaklingar fluttir á sjúkrahús með sjúkrabíl.
Slasaðir hafa verið fluttir á sjúkrahús. Neyðarsímavörður hjá viðbragðsaðilum segir að sjö sjúkrabílar hafi verið kallaðir á vettvang.
Sumir farþeganna hafa verið fluttir yfir í aðra rútu sem átti leið hjá til að halda á sér hita.
„Hún var rétt fyrir aftan og var fyrir tilviljun tóm. Fólk getur nú sest þar inn og hlýjað sér,“ segir neyðarsímavörðurinn í samtali við Aftonbladet.
Athugasemdir