Mikil eftirspurn skapaðist eftir húsi sem notað var við tökur á vinsælu sjónvarpsþáttunum Breaking Bad, eftir að ásett söluverði eignarinnar var lækkað verulega.
Nú hefur verið greint frá því að streymarinn Adin Ross hafi keypt húsið fræga.
Heimildir herma að teymi Ross hafi haft samband við eigendur hússins í síðustu viku með tilboð. Alls hafi um 20 raunhæf tilboð borist.
Eigandi hússins, Joanne Padilla, hefur reynt að selja eignina í rúmt ár. Í ágúst á síðasta ári lýsti hún þeirri hugmynd að mögulega mætti breyta húsinu í safn tengt þáttunum, sem gæti skapað verulegar tekjur. Slíkar áætlanir hafa þó rekist á skipulagsreglur, þar sem húsið stendur í íbúðarhverfi og leyfi fyrir slíkri starfsemi virðist ekki fyrir hendi.
Adin Ross hefur engu að síður lýst yfir áhuga á að endurgera húsið þannig að það verði nákvæm eftirlíking af heimili aðalpersónunnar Walter White. Þó að ytra byrði hússins hafi verið notað við tökur á þáttunum voru atriði sem áttu að gera inn í húsinu tekin upp í hljóðveri, sem þýðir að endurgera þyrfti innréttingar hússins frá grunni til að ná fram réttri ásýnd.
Athugasemdir