Síðdegis á föstudag fórst 15 ára drengur í sleðaslysi í sveitarfélaginu Gjøvik í Norgi. Slysið varð á sérstökum útivistardegi í unglingaskólanum, síðasta daginn fyrir vetrarfrí.
Yfir hundrað nemendur voru viðstaddir.
Samkvæmt umfjöllun vefmiðilsins VG telur lögreglan að hópur tíu ungmenna hafi rennt sér saman á dýnu.
„Þetta er ekki venjuleg sleðadýna, heldur einhvers konar málmþynna sem einhverjir höfðu meðferðis. Hraðinn mun á endanum hafa orðið svo mikill að ungmennunum tókst ekki að stöðva neðst á akrinum, heldur héldu áfram út í óbyggt land þar sem hinn látni mun hafa rekist á nokkur smærri tré,“ segir lögreglustjórinn á svæðinu við VG.
Verið er að kanna hvað málmþynnan sé í raun og veru og til hvers hún sé upphaflega notuð.
Minniháttar sleðaslys hefur áður orðið í brekkunni.
Ekki tókst að bjarga drengnum með skyndihjálp og var hann úrskurðaður látinn á staðnum.
„Þetta átti að vera notalegur sleðadagur og lokahnykkur fyrir vetrarfríið, og svo endar þetta svona. Þetta er alveg hræðilegt,“ sagði Ole Jacob Nyhus, starfandi prófastur, við VG í gær.
Athugasemdir