Glæsilegt einbýlishús með bílskúr við Starhaga 6 í Vesturbæ Reykjavíkur er komið á sölu fyrir 349 milljónir króna.
Húsið var byggt árið 1958 og er samtals skráð 345,9 fermetrar samkvæmt skráningu Þjóðskrár Íslands. Eignin er til afhendingar við kaupsamning og fylgir henni sér íbúð í kjallara.
Aðalhæð hússins er 106,5 fermetrar að stærð. Þar er anddyri með fatahengi og flísum á gólfi, auk gestasnyrtingar innaf anddyrinu. Frá anddyrinu er gengið inn í rúmgott hol sem tengir saman helstu vistarverur hæðarinnar og er parket á gólfi. Eldhúsið er með sérhannaðri eikarinnréttingu og stóru helluborði, en einnig er parket á gólfi. Borðstofan er björt og rúmgóð og tengist stofunni sem er í björtu rými andspænis borðstofu. Frá stofu er gengið út á rúmgóðar suðursvalir. Gólfhiti er á hæðinni.
Efri hæð hússins, sem er ris, er 101,9 fermetrar. Þangað liggur glæsilegur parketlagður viðarstigi. Á hæðinni eru tvö parketlögð svefnherbergi. Hjónaherbergið er með fataherbergi og sér baðherbergi sem er búið sturtu og baðkari, vegghengdu salerni, flísum á gólfi og gólfhita. Einnig er sér þvottaaðstaða á hæðinni.
Kjallarinn er 105,5 fermetrar og þar er sér íbúð. Í kjallaranum eru tvö rúmgóð svefnherbergi, eldhús með hvítri innréttingu, rúmgóð stofa og flísalagt baðherbergi með sturtu og þvottaaðstöðu. Gólfefni eru parket og flísar og gólfhiti er í rýmunum.
Eignin sameinar rúmgóð fjölskyldurými, sér íbúð í kjallara og eftirsótta staðsetningu í Vesturbæ Reykjavíkur.
Athugasemdir