Áhrifavaldurinn Birta Blanco segist hafa „lent í“ í Kristjáni „Kleina“ Sigurbjörnssyni en hann var nýlega handtekinn vegna gruns um að hafa tekið þátt í hópnauðgun á Akureyri.
Nútíminn vakti fyrst athygli á skrifum Birtu.
Hafdís Björg Kristjánsdóttir, fyrrverandi kærasta Kleina, opnaði sig um málið á samfélagsmiðlum í gær. Þar greindi hún frá því að Kristján hefði beitt hana ofbeldi á meðan þau voru í sambandi. Hún lýsir mikilli vanmáttarkennd og segir erfitt að losna við það að bera einhverja ábyrgð á því sem gerðist.
„Mér þykir ótrúlega erfitt að fylgjast með fréttum í dag og erfitt að kenna ekki sjálfri mér um að hafa ekki stigið fram og varað aðrar stelpur við ofbeldinu sem fylgir þessum manni. Samviskubitið er að drepa mig,“ skrifaði hún á Facebook í gær
Söngkonan Svala Björgvinsdóttir, sem er einnig fyrrverandi kærasta Kleina, lýsti yfir stuðningi við Hafdísi á Instagram og sagðist hafa verið beitt ofbeldi af Kleina.
„Ég er sjálf þolandi ofbeldis af sama manni! Saman erum við survivors og hetjur og sterkar.“
Athugasemdir