Jón Þór fær starf hjá Samherja

Jón Þór Krist­jáns­son hefur tekið til starfa hjá Samherja sem verk­efna­stjóri upp­lýs­inga­miðl­unar en greint er frá þessu á vef Samherja.

Jón Þór er með BA-gráðu í stjórn­mála­fræði frá Háskóla Íslands og meistara­gráðu í opin­berri stefnu­mótun frá Edin­borg­ar­há­skóla. Hann hefur víð­tæka reynslu af fjöl­miðlum og upp­lýs­inga­miðlun og starf­aði áður sem frétta­maður hjá Við­skipta­blað­inu, N4 og RÚV.

Und­an­farið ár hefur Jón Þór starfað hjá Akur­eyr­arbæ, fyrst sem verk­efna­stjóri upp­lýs­inga­miðl­unar og síðar sem for­stöðu­maður þjón­ustu og þró­unar.

Jón Þór seg­ist fullur til­hlökk­unar að hefja störf hjá Samherja og taka þátt í þeim verk­efnum sem fram undan eru.

„Hjá Samherja starfar sam­heldin áhöfn, sem hefur átt stóran þátt í að þróa með mark­vissum hætti þetta fram­sækna og tækni­vædda fyr­ir­tæki,“ segir Jón Þór.

Hann segir mörg spenn­andi verk­efni vera í und­ir­bún­ingi hjá félag­inu sem kalli á mark­vissa miðlun og sam­skipti á næstu miss­erum.