Þorvaldur Harry Þorvaldsson hefur verið dæmdur í þriggja mánaða skilorðsbundið fangelsi fyrir ítrekaðar hótanir í garð lögreglumanna á árunum 2023 til 2025. Meðal annars hótaði hann að skjóta lögreglumenn, drepa börn þeirra og kýla tennurnar úr einum þeirra.
Dómur féll í Héraðsdómi Reykjavíkur í dag, 17. september. Þorvaldur var ákærður fyrir þrjú brot gegn valdstjórninni.
Í fyrsta tilvikinu hafði Þorvaldur verið handtekinn í Reykjavík og færður í lögreglubifreið. Þar hrækti hann á öxl lögreglumanns með þeim afleiðingum að hrákinn kastaðist á hægri kinn hans.
Við flutning á lögreglustöðina við Hverfisgötu hótaði hann síðan þremur lögreglumönnum lífláti. Sagði hann meðal annars:
„The next time I get a long gun, I will kill every cop I can,“ og bætti síðar við: „Before I die I´m going to kill couple of you motherfuckers.“
Hótanirnar héldu áfram í fangamóttöku lögreglustöðvarinnar. Þar sagðist Þorvaldur ætla að reyna að drepa alla lögreglumenn sem hann fyndi næst þegar honum yrði sleppt úr haldi.
„Next time I get locked up, when you let me I am going to try to kill every fucking pig I find, I mean that seriously…get me a long gun,“ sagði hann samkvæmt ákærunni.
Þegar verið var að færa hann í fangaklefa hótaði hann jafnframt að drepa lögreglumenn og börn þeirra.
„When I get a long gun I gurantee you I am going to kill at least five of you motherfuckers,“ sagði Þorvaldur og bætti við: „No I am threatening to kill your children.“
Í öðru tilviki var Þorvaldur handtekinn í Austurstræti. Við flutning á lögreglustöð hótaði hann lögreglumanni líkamsmeiðingum.
„Next when I see you and I am sober I am going to beat the shit out of you,“ sagði hann og bætti við: „I will take your teeth out.“
Í þriðja tilvikinu hótaði hann tveimur lögreglumönnum eftir handtöku. Sagði hann meðal annars: „I´m going to kill you.“
Þorvaldur mætti ekki við fyrirtöku málsins 8. september þrátt fyrir að ákæra og fyrirkall hefðu verið löglega birt.
Fram kemur í dómnum að Þorvaldur eigi nokkurn sakaferil að baki en eldri brot hafi ekki haft áhrif á refsingu þar sem langt sé um liðið. Hann hafði meðal annars árið 2016 hlotið fimm mánaða fangelsisdóm fyrir brot gegn valdstjórninni.
Refsing Þorvaldar var ákveðin þriggja mánaða fangelsi. Fullnustu refsingarinnar er frestað og fellur hún niður að tveimur árum liðnum haldi hann almennt skilorð.
Athugasemdir