Hinn 13 ára gamli Ægir Þór Sævarsson hitti í gær Lionel Messi, einn besta knattspyrnumann allra tíma, og féllust þeir félagar í faðma.

Hittust þeir félagar rétt áður en Messi skoraði sigurmark fyrir Inter Milan gegn Porto á HM félagsliða úr aukaspyrnu.

„Þetta er dagur sem við munum geyma í hjörtum okkar að eilífu,“ skrifaði Hulda Björk, móðir Ægis, á samfélagsmiðla með myndbandinu en Ægir greindist ungur með Duchenne, sem er sjaldgæfur og ólæknandi vöðvarýrnunarsjúkdómur.

„Við upplifðum nokkuð ógleymanlegt – sannkallaða töfrastund. Þökk sé ótrúlega góðum og örlátum sálum þá fékk Ægir að hitta hetjuna sína, Lionel Messi – eitthvað sem hann hefur dreymt um síðan hann var fimm ára.

Ægir dreymdi um það sem ungur strákur að verða fótboltamaður. En lífið var með aðrar áætlanir. Þegar maður er foreldri barns með sjaldgæfan sjúkdóm þá hafa svona augnablik enn meiri þýðingu. Þau verða að heilagri stund.“