Helsta umræðuefnið við upphaf jólabókaflóðsins er sölutregðan á bók Arnalds Indriðasonar sem undanfarna áratugi hefur undantekningalítið verið í efsta sæti á metsöluslistum. Nú er staðan sú að konungur gæpasagnanna nær naumlega inn á metsölulista Pennans Eymundsson og situr þar í níunda sæti á meðan helsti samkeppnisaðilinn, Yrsa Sigurðardóttir er í 2. sæti listans. Þetta er áfall fyrir Arnald.

Forlagið lagði mikið undir þegar bók Arnaldar, Táli, var dreift í verslanir. Sérstakir standar voru settir upp og bókinni stillt rækilega fram í miklu upplagi. Það dugði ekki til.

Skýringin á sölutregðunni er helst talin vera sú að gagnrýnendur Kiljunnar gáfu lítið fyrir bókina og voru hálfgeyspandi að dæma hana. Arnaldur var strax fyrir helgi kominn á mikinn afslátt og bókin fáanleg fyrir innan við 6.000 krónur en fullt verð er um 8.000 krónur.

Hermt er að stjórnendur Forlagsins kunni Kiljunni litlar þakkir fyrir dóminn en vonist til að lægra verð gefi bókinni vængi ...