Sjónvarps- og útvarpsstjarnan Andri Freyr Viðarsson hefur sett íbúð í Laugardalnum á sölu en íbúðin er með ótrúlegt útsýni yfir sjóinn og Esjuna.

Um er að ræða fallega, bjarta og vel skipulagða útsýnisíbúð á 8. hæð í góðu lyftuhúsi við Kleppsveg í Reykjavík. Góð staðsetning sem er nærri miðborginni í grónu hverfi þar sem stutt er í leikskóla, skóla, verslun og þjónustu, eins og t.d. ísbúð, bakarí og kaffihús.

Eignin skiptist í anddyri, eldhús, stofu, tvö svefnherbergi, baðherbergi og geymslu í sameign.

Íbúðin er 91 m² að stærð og vill Andri fá 67.900.000 króna fyrir hana.