Gísli Rafn Ólafsson, fyrrum þingmaður Pírata og núverandi framkvæmdastjóri Rauða Krossins á Íslandi, hefur ákveðið að setja hús sitt í Reykjanesbæ á sölu. Gísli býr þar með Sonju Dögg Pétursdóttur, eiginkonu sinni, og fjölskyldu.

Eignin er á tveimur hæðum, á neðri hæð hússins er forstofa, eldhús í opnu rými, stofa, salerni og þvottahús. Efri hæðin hefur að geyma fjögur svefnherbergi og rúmgott baðherbergi og stofu. Gólfhiti er á báðum hæðum og einnig í bílskúr. Mjög glæsileg timburverönd með nýlegum heitum pott er við húsið, sem og hellulagt bílaplan fyrir framan húsið.

Húsið er 251,4 m2 að stærð og vilja Gísli og Sonja fá 118.900.000 krónur fyrir.