Kæru Írisar Helgu Jónatansdóttur gegn Rögnu Gestsdóttur, blaðamanni DV, hefur verið vísað frá af Siðanefnd Blaðamannafélags Íslands.

Heimildin hefur fjallað um mál Írisar á undanförnum mánuðum en hún hefur verið sökuð af nokkrum einstaklingum að vera eltihrellir. Garpur Ingason Elísabetarson dagskrárgerðarmaður var fyrstur til að stíga fram og ásaka Írisi um ofsóknir og áreiti og í kjölfarið steig Sölvi Guðmundarson, fyrrum kærasti Írisar, fram og greindi frá sams konar ofbeldi en þau voru par í um það bil ár.

DV hefur í framhaldi þess skrifað fréttir unnar úr fréttum Heimildarinnar.

Í kæru Írisar hélt hún því fram að Ragna hafi brotið allar efnisgreinar siðareglna BÍ og beiðni um leiðréttingu hafi ekki verið svarað. Samkvæmt nefndinni uppfyllti kæran augljóslega ekki málsmeðferðarreglur Siðanefndar og var Írisi boðin sá kostur að lagfæra kæru sína. Hún gerði það hins vegar ekki og var málinu því vísað frá.