Bandaríski hjólabretta- og sjónvarpsmaðurinn Bam Margera vakti athygli á dögunum þegar hann sýndi að hann býr enn yfir töluverðri færni á hjólabretti, þrátt fyrir að þurfa lengri upphitun en áður.

Margera, sem er 46 ára gamall, var staddur á LAX flugvellinum í Los Angeles á föstudag á leið sinni á hjólabrettaviðburð í hinu þekkta Primitive-skateparki, sem tengist atvinnuhjólabrettakappanum Paul Rodriguez. Með í för var sonur hans, Phoenix, sem átti að fá að fylgjast með viðburðinum.

Að sögn Margera hafði honum verið boðið að opna viðburðinn með svokölluðu „8-stiga ollie“-stökki. Á flugvellinum rakst hann á stiga sem hann taldi henta til æfinga og ákvað að reyna við stökkið án tafar. Tilraunin endaði þó með falli, en hann reis fljótt á fætur og lét ekki deigan síga.

Í kjölfarið lýsti hann yfir bjartsýni og sagðist sannfærður um að hann gæti framkvæmt stökkið við sjálfan viðburðinn. Þá nefndi hann einnig eiginkonu sína, Danni, sem mikilvægan stuðning í lífi sínu og sagði hana hafa hjálpað sér meðal annars við teygjur og aðra líkamlega hluti.

Margera hefur á undanförnum misserum lagt áherslu á bataferli sitt og edrúmennsku. Hann kveðst stefna að því að ná tveggja ára áfanga án áfengis í september næstkomandi.

Mangera hefur margoft komið til Íslands og gifti sig meðal annars á Íslandi árið 2013 og var laminn af rapparanum Gísli Pálma árið 2015 á Secret Solstice tónlistarhátíðinni.