Poppsöngkonan Britney Spears hefur vakið athygli á ný á samfélagsmiðlum eftir að hún sneri aftur á Instagram í kjölfar nýlegrar handtöku vegna gruns um ölvunarakstur.

Undanfarnar vikur hafa færslur hennar einkennst af rólegum og fjölskylduvænum augnablikum. Nýjasta myndbandið hennar á Instagram sýnir hana njóta samveru með sonum sínum, Sean Preston og Jayden James.

Í myndbandinu, sem virðist tekið um borð í snekkju, má sjá Spears í góðu skapi þar sem hún faðmar syni sína. Þeir virðast orðnir talsvert hærri en móðir þeirra og taka síðar léttan dans við lagið Doin' It með LL Cool J.

Fyrr í mánuðinum var Spears handtekin í Ventura-sýslu í Kaliforníu vegna gruns um ölvun við akstur. Hún var þó látin laus úr haldi eftir nokkrar klukkustundir.