Erlendum ríkisborgara hefur verið vísað frá Íslandi, en um er að ræða karlmann á fertugsaldri en þetta kemur fram í tilkynningu lögreglu.

Hann var handtekinn á höfuðborgarsvæðinu um kaffileytið í fyrradag í kjölfar tilkynningar um þjófnað í verslun.

Maðurinn var færður á lögreglustöð og við yfirheyrslu játaði hann sök. Hinir stolnu munir voru haldlagðir og komið aftur í réttar hendur. Þjófurinn kom til Íslands á þriðjudagsmorgun og hafði því dvalið á Íslandi í fáeinar klukkustundir þegar málið kom upp.