Hraðbankinum sem stolið var í Mosfellsbæ aðfaranótt þriðjudagsins 19. ágúst fannst í gær og voru peningar enn í honum óhreyfðir. Að sögn Lögreglunnar á höfuðborgarsvæðinu hefur rannsókn málsins verið í forgangi frá upphafi.

Karlmaður á fimmtugsaldri er nú í gæsluvarðhaldi í tengslum við málið. Lögreglan mun ekki sækja um áframhaldandi gæsluvarðhald yfir konu á fertugsaldri, sem einnig var í haldi, og lýkur því varðhaldi hennar í dag.

Lögreglan segir að ekki verði veittar frekari upplýsingar um rannsóknina að svo stöddu.