Það fór ekki framhjá mörgum að vörumerkið Stöð 2 var lagt niður í síðustu viku en stöðin heitir í dag Sýn, eins og fyrirtækið sjálft, og var kynnt með látum.

Fengu allir fjölmiðlar fréttatilkynningu þess efnis og voru þeir hvattir til að ræða við Herdísi Dröfn Fjeldsted, forstjóra Sýnar, um breytingarnar. Mannlíf reyndi að setja sig í samband við forstjórann til að spyrjast fyrir um framtíð fyrirtæksins og þá sérstaklega í samhengi við enska boltann en fyrirtækið keypti nýverið sýningarrétt á honum fyrir gífurlega háar fjárhæðir.

Herdís, af einhverjum ástæðum, hefur ekki svarað fyrirspurnum Mannlífs og hefur ekki gert síðan hún tók við starfinu í janúar í fyrra en undir hennar stjórn hefur verðmæti Sýnar hríðfallið og margir starfsmenn flúið við fyrsta tækifæri.

Kannski er eðlilegt að Herdís gefi sér ekki tíma til að svara fyrirspurnum Mannlífs í ljósi þess að gengi enska boltans hjá fyrirtækinu mun sennilega segja mikið um framtíð þess í heild. Telja sumir að veðmál forstjórans á enska boltans sé eitt það stærsta sem íslenskt fyrirtækið hefur tekið í langan tíma ...