Hljómsveitin BKPM er ein sú heitasta á Íslandi í dag. Mögulega sú heitasta.
Hljómsveit sem lofar og stendur við.

BKPM var að senda frá sér plötuna Bíddu Ha? og hélt af því tilefni útgáfutónleika á 12 Tónum.
Það var raftónlistardúóið Chum n' Bass sem hitaði upp fyrir BKPM og gerði það vel eins og við var að búast.

Neðri hæðin á 12 Tónum fylltist hægt og rólega á meðan upphitunarhljómsveitin Chum n' Bass lét ljós sitt skína.

Þegar BKPM byrjaði að stilla sér upp á sviðinu og koma sér og græjunum sínum vel fyrir var neðri hæðin alveg gjörsamlega troðfull - útúrstöppuð - og þungt loftið fylltist mikilli og hreinlega rafmagnaðri spennu.

Miðað við stemninguna og húsfyllinn leikur enginn vafi á því að hljómsveitin BKPM á ansi stóran, dyggan og flottan hóp aðdáenda, sem hvöttu bandið óspart áfram og nutu hverrar nótu í botn; slík var stemningin.

Það lak hreinlega sviti af veggjunum sem endurspeglar vel orkuna sem er að finna í hljómsveitinni BKPM og tónleikagestir nutu stemningarinnar sem þeir sköpuðu sjálfir í samvinnu við hljómsveitina sem er án efa ein sú allra þéttasta á Íslandi í dag.

Sé tekið mið af þessum tónleikum og plötunni nýútgefnu er einfaldlega ljóst að hér er um að ræða eina mest spennandi hljómsveit sem hefur komið fram á sjónarsviðið í langan tíma. Eða eins og einn tónleikagestur sagði við blaðamann og ljósmyndara Mannlífs: „BKPM er bara sveittasta og heitasta hljómsveitin á landinu.“

Munið nafnið - BKPM - ef þið viljið alvöru sveitta tónleika og ekkert kjaftæði!






Þeir sem vilja vita meira um hljómsveitina BKPM geta svalað fróðleiksfýsn sinni nákvæmlega hér.



Myndirnar tók Víkingur Óli Magnússon.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.






















Athugasemdir