Helstu veðbankar heims spá VÆB-bræðrunum ekki nema 35 sætinu í Eurovision sem fram fer í Sviss í maí. Aðeins eitt land á eftir að velja sér keppanda en það er Georgía.
Alls keppa 37 þjóðir í þessari risastóru sjónvarpskeppni. Svíum er spáð efsta sætinu, sem ætti ekki að koma neinum á óvart enda virðast þeir vera með áskrift af sigrinum í Eurovision. Eins og áður segir er VÆB spáð 35 sætinu, nú þegar enn eru tveir mánuðir þar til keppnin fer fram í Sviss.
Athygli vekur að Ísraelum er spáð þriðja sætinu eins og er en fyrrum gísl Hamas-liða mun keppa fyrir hönd landsins. Gríðarleg óánægja er meðal margar um þátttöku Ísraela í keppninni, í ljósi þess að ráðamenn landsins eru nú eftirlýstir fyrir meinta stríðsglæpi gegn Palestínumönnum.
Undirskriftarlisti er í gangi þar sem þess er krafist að RÚV dragi sig úr keppninni í ár, verði Ísrael ekki meinuð þátttaka. Þegar þessi frétt er skrifuð hafa alls 4.337 manns skrifað undir listann.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir