Bókaunnendur geta byrjað að hita upp fyrir jólabókaflóðið í Gerðubergi miðvikudaginn 4. nóvember þegar þrjár nýútkomnar bækur verða teknar til kostanna.
Rithöfundarnir Björn Halldórsson og Guðrún Eva Mínervudóttir ásamt þýðandanum Ingunni Snædal mæta í Borgarbókasafnið og ræða nýjustu verk sín. Sunna Dís Másdóttir, rithöfundur og fyrrverandi bókmenntagagnrýnandi Kiljunnar, heldur utan um spjallið.
Björn segir frá skáldsögunni Ókunnugt fólk sem gerist meðal annars í Breiðholti og hefur fengið góðar viðtökur. Guðrún Eva kynnir Ljósföður, sögulega skáldsögu sem byggir á sögu Jónasar Jónssonar, forföður hennar, sem tók á móti börnum og stundaði lækningar.
Ingunn ræðir síðan nýútkomna þýðingu sína á hinni vinsælu og umtöluðu skáldsögu Yesteryear eftir bandaríska rithöfundinn Caro Claire Burke.
Spjallið stendur frá klukkan 18.30 til 20 og er aðgangur ókeypis.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
Athugasemdir