Tökur hafnar á Death of Marie

Tökur á kvik­mynd­inni Death of Marie hófust í New Rochelle í New York í vik­unni en hand­rits­höf­undur og leik­stjóri mynd­ar­innar er Siggi Kjartan. Siggi hefur meðal ann­ars unnið við mynd-irnar Fúsi, Þrestir og Star Wars: The Force Awakens, og við sjón­varps­þætt-ina Fortitude og Black Mirror. Myndin var fjár­mögnuð á Kickstarter þar sem söfn­uð­ust rúm­lega fjórtán þús­und doll­arar, tæp ein og hálf milljón króna.

Sögusvið The Death of Marie er dul­ar­fullur heimur aðal­sögu­per­són­unnar Marie. Marie er ekkja sem þekkt er fyrir að halda stór­feng­leg teiti, en hjarta hennar hætti að slá fyrir 48 árum síðan. Til­gangur mynd­ar­innar er að skilja kyn­slóða­bil í sam­fé­lag­inu í dag, en Siggi Kjartan vill með mynd­inni reyna að skilja ömmu sína sem gat ekki slitið sig frá fyr­ir­framá­kveðnum stöðlum í sam­fé­lag­inu.

Margir Íslend­ingar koma að mynd­inni, þar á meðal leik­konan Anita Briem, sem leikur Floru, Bjarni Frímann sem semur tón­list í mynd­inni og Brynja Skjaldar sem hannar bún­ing­ana. Þess má geta að leik­konan Clare Foley leikur ömmu­barn Marie, en hún hefur leikið í fjöl­mörgum myndum og sjón­varps­þáttum, svo sem Girls, Orange is the New Black, Gotham, Sinister og The Great Gilly.

Ásamt því að vera tekin upp í New Rochelle, fara tökur einnig fram í Milford í Connecticut og í Woodstock í New York-ríki.

Aðalmynd / Heiða Helga­dóttir