Framúrstefnuleg samtímahönnun hjá Matter

Árið 2008 kynnti Jamie eigin vöru­línu merk­is­ins „Matt­erMade“ til leiks, en hún var unnin í sam­starfi við unga og efni­lega hönn­uði sem og þekkr­ari nöfn innan hönn­un­ar­heims­ins. Ásamt því að vera verslun er Matter einnig gall­erí, sýn­ing­ar­rými, fram­leið­andi og kynn­ing­ar­að­ili á sér­val­inni og fram­úr­stefnu­legri sam­tíma­hönnun, en í gegnum árin hafa verið haldnar yfir 50 sýn­ingar undir for­merkjum þeirra.

Hönn­uð­ur­inn Jamie Gray stofn­aði Matter árið 2013.

Bandarísk samtímahönnun í forgrunni

Matter er þekkt fyrir að vera ávallt með putt­ann á púls­inum og hefur getið sér það orð að vita alltaf hvaða tísku­straumar og stefnur séu í vændum í hönn­un­ar­heim­inum – en bæði inn­an­húss­hönn­uðir og arki­tektar líta til stúd­íós­ins til inn­blást­urs.

Banda­rísk hönnun hefur þró­ast og breyst mikið á síð­ast­liðnum árum og er nú orðin óað­skilj­an­legur hluti af alþjóð­legu hönn­un­ar­sen­unni. Hönnun frá Banda­ríkj­unum hefur oft og tíðum verið svo­lítið sér á báti og ekki í takt við þá strauma og stefnur sem eru ráð­andi ann­ars staðar í heim­inum. Jamie hjá Matter taldi það mik­il­vægt fyrir banda­ríska sam­tíma­hönnun að efna til sam­tals og efla sam­vinnu milli alþjóð­legra og banda­rískra hönn­uða og brúa þannig bilið þar á milli.

Matter er þekkt fyrir að vera ávallt með putt­ann á púls­inum.

MatterMade

Í upp­hafi var Matter stofnað sem stökk­pallur fyrir unga hönn­uði í Brooklyn en stofn­and­anum Jamie Gray þótti vanta vett­vang fyrir hönn­uði til að selja og sýna vörur sínar. Meg­in­á­hersla Matter er að upp­hefja og auka alþjóð­lega vit­und á banda­rískri sam­tíma­hönnun í gegnum vöru­merki þeirra „Matt­erMade“. Mikið er lagt upp úr sam­starfi við nýja og fram­sækna hönn­uði og fram­leið­endur víðs­vegar úr heim­inum undir hatti vöru­merk­is­ins. Einnig skipar stað­bundin fram­leiðsla stóran sess í ferl­inu og eru allar vörur þeirra fram­leiddar í vinnu­stofu Matter í Brooklyn.

„Banda­rísk hönnun hefur þró­ast og breyst mikið á síð­ast­liðnum árum og er nú orðin óað­skilj­an­legur hluti af alþjóð­legu hönn­un­ar­sen­unni.“

Vöru­línan „Matt­erMade“ sam­anstendur af hús­gögnum, ljós­gjöfum og ýmsum skraut­munum fyrir heim­ilið, en á ári hverju bæt­ast nýjar og spenn­andi vörur í safnið. Við hönnun vöru­lín­unnar kom inn­blást­ur­inn aðal­lega frá hefð­bund­inni banda­rískri hönnun og hand­verki, en mikil áhersla er á form­feg­urð og notkun gæða­efna.

Öðruvísi og eft­ir­minni­legt bað­her­bergi!

Vörurnar eru unnar í sam­starfi við þekkta hönn­uði og fram­leið­endur, en sem dæmi má nefna; Faye Toogood, Studio Visi­bility, Philippe Malouin, Ana Kras, Pedro Paulo Venzon, Paul Loebach, Jonathan Nesci og svo lengi mætti telja, en Jamie Gray hannar einnig sjálfur fyrir merkið. Ekki láta þennan gull­mola fram hjá ykkur fara ef þið eigið leið til New York, sjón er sögu rík­ari.