„Hvað er eiginlega á seyði?“

„Ég ann dóm­stól­un­um of mikið til þess að láta það ger­ast að menn kunni að hengja sig á það að ég hafi haft aðkomu að þeim ákvörð­unum sem þar verða tekn­ar.“
Sigríður Andersen, frá­far­andi dóms­mála­ráð­herra

„Við höfum fram­selt túlk­un­ar­vald yfir íslenskum lögum til Evrópu? Ég hélt ekki. Eitt af stóru álita­mál­unum varð­andi nið­ur­stöður Mann­rétt­inda­dóm­stóls Evrópu snýr einmitt að því hvar hann dregur mörkin í afskiptum af nið­ur­stöðum um lög og rétt í aðild­ar­ríkjum.“
Bjarni Bene­dikts­son, for­maður Sjálf­stæð­is­flokks­ins

„Dómur MDE er fall­inn. Viðbrögð D: Aðför að sjálf­stæði og full­veldi. Veit ekki með ykkur en mér finnst óþægi­lega mik­ill pólsk-ung­verskur bragur á þessum við­brögðum. Lög og réttur vissu­lega syst­ur­flokkur D en samt gott að muna að Ísland er eitt af stofn­ríkjum dóm­stóls­ins.“
Þor­steinn Víglunds­son, þing­maður Við­reisnar

„Það hlýt­ur að vera nokkuð áhyggju­efni fyr­ir Sjálf­stæðis­flokk­inn, og kannski rík­is­stjórn­ina í heild, þegar hann er far­inn að láta sam­starfs­flokk, und­ir hót­un um stjórn­arslit, segja sér hvaða ráð­herr­ar eigi að sitja fyr­ir hans hönd og hverj­ir ekki.“
Sig­mundur Davíð Gunn­laugs­son, for­maður Mið­flokks­ins

„Hvað er eig­in­lega á seyði? Er rík­is­stjórn Katrínar Jak­obs­dóttur að fara að draga okkur út úr Mann­rétt­inda­dóm­stól Evrópu?“
Helga Vala Helga­dóttir, þing­maður Sam­fylk­ing­ar­innar

„Ástæðan fyrir því að dóm­stóll­inn telur sér unnt að kom­ast að annarri nið­ur­stöðu en Hæsti­réttur þegar kemur að því hvort að þessir dóm­arar séu lög­lega skip­aðir er vegna þess að brot Sigríðar var svo sví­virði­legt.“
Þór­hildur Sunna Ævars­dóttir, þing­maður Pírata.