Björg Alfreðsdóttir, alþjóðlegur förðunarfræðingur Yves Saint Laurent á Íslandi, leiðir okkur í gegnum förðunina fyrir haustið og sýnir okkur förðun sem hún gerði á Söru Eiríksdóttur. Kynning og afsláttur verður á YSL-vörum í Hagkaup dagana 3.-9. október.
Björg Alfreðsdóttir, alþjóðlegur förðunarfræðingur Yves Saint Laurent á Íslandi.
„Mér finnst alltaf skipta miklu máli að undirbúa húðina vel með góðu rakakremi. Þegar kólnar í veðri þornar húðin oft í samræmi við það og því finnst mér líka mikilvægt að nota rakagefandi farða. Minn uppáhaldsfarði þessa dagana er Touche Éclat All-in-One Glow, hann gefur mikinn raka og ljóma, jafnar húðlit og yfirborð húðar án þess að vera þykkur og mikill.“
„Þar sem farðinn er frekar léttur vil ég nota hyljara til að fela dökka bletti, bólur eða bauga. Touche Éclat High Cover er nýr hyljari í YSL sem þekur vel, gefur góða næringu og inniheldur koffín sem dregur úr þrota í kringum augun.“
„Til að fá fallega hreyfingu í förðunina nota ég bjartan kinnalit.“
„Við höfum ekki séð mikið af lituðum eyeliner í sumar en mér finnst alltaf gaman að bæta honum inn þegar hausta tekur og það fer að dimma. Ég notaði mína uppáhaldsaugnskuggapallettu, nr. 14, á Söru í milda skyggingu og setti svo fjólubláan eyeliner nr. 14 til að poppa upp förðunina og gefa henni aðeins meiri lit.“
Til að toppa þetta allt saman setti ég Volume-maskarann sem þykkir og lengir, Couture Slim-Eyebrow Pencil nr. 4 í augabrúnirnar og glossaðan nude-varalit, Vinyl Cream nr. 422.“
Athugasemdir