Þeir ákváðu þó núna að stíga í framlínuna og syngur Eyþór sjálfur lagið, sem kallast Nobody Knows og kom út fyrir skömmu. Auk þess að mynda teymið September þá vinna þeir Eyþór og Andri einnig með öðrum listamönnum, bæði saman og í sitt hvoru lagi, meðal annars með Töru Mobee sem tók þátt í Söngvakeppni Sjónvarpsins fyrr á þessu ári.
Andri hefur sjálfur unnið með tónlistarmanninum Birgi sem hefur gengið gríðarlega vel að ná út fyrir landsteinana á streymisveitum, sérstaklega með laginu Can You Feel It sem hann hlaut nýverið platínuspilun fyrir, en þegar þetta er skrifað er lagið að detta í 15 milljón spilanir á Spotify.
Við samantekt á öllum lögum sem Andri og Eyþór hafa komið að, þá hafa þau lög samtals fengið um 22 milljónir streyma á Spotify. Það er því viðeigandi að tala um gullfingur, allavega þegar kemur að tónlist á streymisveitum.
Athugasemdir