Freyr minnir fólk á samkomubann: „Mig langar úr þessum búning sem fyrst“

Freyr Rún­ars­son, læknir og sam­einda­líf­fræð­ingur, birti færslu á Facebook um helg­ina þar sem hann minnir íslend­inga á að 4. maí er ekki kom­inn, en þann dag munu reglur um sam­komu­bann breyt­ast.

„Hey þú þú veist að það er EKKI kom­inn 4. maí? Við þurfum enn að passa 2 metrana og það er enn hámark 20 sem meiga koma saman,“ segir Freyr og birtir mynd af sér í vinnugall­anum á Land­spít­ala.

„Ég er enn að vinna í þessum galla, hann er óþægi­legur, maður svitnar mikið í honum, það er erfitt að anda, gríman ertir húð­ina og gler­augun særa og valda mari. Ég er með haus­verk allan dag­inn. Mig langar úr þessum bún­aði sem fyrst en ég er á sama tíma afar þakk­látur fyrir hann.“

Veiran er enn þarna úti

Freyr seg­ist vera að ranta þetta af því að hann sjái alls staðar fólk sem heldur að kór­ónu­veiru­far­aldr­inum sé lokið. „Búðir eru fullar, maður heyrir af veit­inga­húsum þar sem þétt er setið og almenn­ings­garðar borg­ar­innar eru fullir af lífi. Ert þú orð­inn kæru­laus?,“ spyr hann.

„Far­ald­ur­inn er EKKI búinn, sagan segir okkur að þetta kemur í bylgjum 2 til 3 toppar. Veiran er enn þarna úti, vilt þú vera einn af þeim sem verður í næsta toppi?

Klárum dæmið saman, ekki fleiri dauðs­föll takk, við viljum ekki fleiri á önd­un­ar­vélar. Pössum okkur áfram og hlýðum Víði og co.“