Kvikan heldur rafræna myndlistarsýningu: Allir geta tekið þátt

Kvikan, auð­linda- og menn­ing­ar­hús Grinda­víkur heldur raf­ræna mynd­list­ar­sýn­ingu og er öllum íbúum og velunn­urum Grinda­víkur vel­komið að taka þátt í sýn­ing­unni.

Hún fer þannig fram að allir áhuga­samir skapa lista­verk heima hjá sér og taka svo af því mynd og senda inn. Mynd­irnar verða til sýnis á heima­síðu Grinda­vík­ur­bæjar og á Facebook-síðu Kvik­unnar. 

Lista­menn eru hvattir til að merkja sér mynd­irnar á Facebook með því að „tagga sig“ á mynd­inni.

Þema sýn­ing­ar­innar er frjálst en til­valið að nota nærum­hverfið til þess að fá inn­blástur og skapa verkin.

Tekið er við myndum á net­fangið [email protected] eða í Facebook skila­boðum til Kvik­unnar fram til hádegis 31. Apríl. Sýningin hefst svo 1. maí.

Merkja skal myndir með nafni lista­manns og aldri og einnig er gaman ef lista­verkið fær nafn.

Eftir að sýn­ingin hefst mun besta myndin vera valin og verður hún sett á póst­kort. Póst­kortin verður svo hægt að kaupa í Kvikunni í sumar.

Búið er að aflýsa árlegri bæj­ar­há­tíð grind­vík­inga, Sjó­ar­anum síkáta, sem fer fram fyrstu helg­ina í júní.

Sjá einnig: Sjó­ar­anum síkáta aflýst