Greinir frá baráttu sinni við átröskun

Taylor Swift greinir frá bar­áttu sinni við átröskun í nýrri heim­ild­ar­mynd sem sýnd verður á Netflix. Myndin, Miss Americana, var frum­sýnd á Sundance kvik­mynda­há­tíð­inni í gær­kvöldi en í henni lýsir tón­list­ar­konan því m.a. að stundum hafi sveltið orðið til þess að hún var nærri yfir­liði á tón­leikum.

Hin 30 ára Swift seg­ist hafa gert lista yfir allt sem hún borð­aði, stundað lík­ams­rækt af miklum móð og farið niður í breska stærð 2. Nú sé hún stærð 10. Hug­ar­á­stand hennar var þannig að hún hefði varið líf­erni sitt við hvern þann sem hefði lýst áhyggjum af henni.

„Ég held þú vitir ekki hvað þú ert að gera þegar þetta ger­ist smám saman,“ segir hún. „Það er alltaf eitt­hvað feg­urð­ar­við­mið sem þú ert ekki að mæta. Því ef þú ert nógu grönn, þá ertu ekki með rass­inn sem allir vilja, en ef þú ert nógu þung til að hafa rass, þá er maginn þinn ekki nógu flatur. Þetta er allt fokk­ing ómögu­legt.“

Swift seg­ist nú berj­ast gegn til­hneig­ing­unni til að vera gagn­rýnin á lík­ama sinn… „því það er betra að finnst þú feitur en að virð­ast veikur.“ Þá seg­ist hún forð­ast að skoða myndir af sér, þar sem þær verði stundum til þess að hana langi að byrja að svelta sig aftur.

Lesa má um málið hjá Guardian.