Gaf ástinni sinni bláa kjólinn úr Notebook

„Við elskuðum hvort annað af öllum hug; tvær full­kom­lega ófull­komnar mann­eskjur, sem áttu dásam­lega fjöl­skyldu og ólu upp ynd­is­legu og frá­bæru stelp­urnar okkar.“

Þetta sagði Vanessa Bryant á mánu­dag, við minn­ing­ar­at­höfn um eig­in­mann sinn Kobe og dóttur þeirra Giönnu, sem lét­ust í þyrluslysi á dög­unum.

Meðal þeirra sem komu fram við minn­ing­ar­at­höfn­ina voru tón­list­ar­konan Beyonce, sem jafn­framt sat hjá Vanessu og hug­hreysti hana, og körfuknatt­leiks­hetjan Michael Jordan.

„Þegar Kobe dó, dó hluti af mér,“ sagði hann meðal ann­ars um mann­inn sem hann kall­aði „litla bróður.“

Vanessa lýsti eig­in­manni sínum sem rómat­ískum og sagði meðal ann­ars frá því að hann hefði gefið henni bláa kjól­inn sem leik­konan Rachel McAdams klædd­ist í frægu atriði í stór­mynd­inni The Notebook.

„Þegar ég spurði hann hvers vegna hann valdi bláa kjól­inn þá sagði hann ástæð­una að hann hefði komið fyrir í atrið­inu þar sem Allie kemur aftur til Noah,“ sagði Vanessa. „Við höfðum von­ast til að eld­ast saman eins og þau gerðu í bíó­mynd­inni. Ást­ar­saga okkar var sann­ar­lega stór­kost­leg.“

Vanessa sagði Kobe hafa verið sálu­fé­laga sinn.

„Ég vil að dætur mínir viti hversu stór­kost­legur ein­stak­lingur, eig­in­maður og faðir hann var.“