Davíð vissi ekkert hver Guðni var: „Góður maður á ferð með góða sál“

Í Facebook-hópnum Stuðn­ings­fólk Guðna Th. safn­ast saman stuðn­ings­menn Guðna Th. Jóhann­es­sonar for­seta Íslands. Þar hafa margir skrifað inn­legg og lýst yfir stuðn­ingi sínum við sitj­andi for­seta í kom­andi for­seta­kosn­ingum og margir deila myndum og/eða sögum af Guðna.

Einn þeirra er Davíð Már Krist­ins­son þjálf­ari, sem segir Guðna að lík­indum vera besta aðstoð­ar­þjálf­ara sem hann hefur haft. Davíð Már rifjar upp að fyrir sex, sjö árum síðan hafi hann þjálfað son Guðna, Duncan, í hand­bolta í KR, en drengirnir í lið­inu voru þá 8-9 ára gamlir. Æfingar voru þrisvar í viku, snemma dags og eig­in­lega engin for­eldri mætt á æfingar. Það hafi þó verið einn maður sem mætti á fjöl­margar æfingar allan vet­ur­inn, nefni­lega hann Guðni.

Davíð Már Krist­ins­son

Á þeim tíma starf­aði Guðni hjá Háskóla Íslands, en þar starf­aði hann árin 2013-2016 sem kenn­ari í sagn­fræði við Háskóla Íslands, lektor, dós­ent og síð­ast pró­fessor.

„Ég vissi ekk­ert hvaða maður þetta var og spurði sjálfan mig í sífellu í fyrstu hvað væri eig­in­lega málið með hann að mæta og horfa á nán­ast aðra hverja æfingu eða svo,“ segir Davíð Már.

Segir hann Guðna hafa gefið sig á tal við hann fyrir og eftir hverja æfingu og oft hafi þeir spjallað lengi saman. „Maður þurfti ekki að vera mjög næmur á mannsál­ina og mik­ill mann­þekkj­ari til að sjá og skynja að þarna fór góður maður á ferð með góða sál.“

„Vonandi ber þjóð­inni gæfu til að láta þennan mann vera for­seta lýð­veld­is­ins alla­vega til næstu 4 ára. Vonandi næstu 8 ára. Að minnsta kosti.“

Guðni og Elisa ásamt börnum þeirra fjórum í júní 2016
Mynd / Facebook

Svo fór að aðstoð­ar­þjálf­ari Davíðs Más afboð­aði sig þrisvar með skömmum fyr­ir­vara, bauðst þá Guðni til að taka að sér hlut­verk hans og tók að sögn Davíðs Más frum­kvæðið og gekk í hlut­verk þjálf­ar­ans á örstundu. Kunni hann nöfn alla drengj­anna og gaf þeim skýrar skip­anir.

„Það var eins og hann hefði aldrei gert neitt annað enda ekki langt að sækja þjálf­unar, kenn­ara og stjórn­unar hæfi­leik­ana frá föður sínum heitnum Jóhann­esi Sæmunds­syni,“ segir Davíð Már og bætir við:

„Vonandi ber þjóð­inni gæfu til að láta þennan mann vera for­seta lýð­veld­is­ins alla­vega til næstu 4 ára. Vonandi næstu 8 ára. Að minnsta kosti. Hef reyndar enga trú á öðru. Þetta verður afar stór og sann­fær­andi sigur. Betri leið­toga þjóð­ar­innar gætum við ekki haft. Hann hefur allt það sem þarf til að sæma góðan for­seta og þjóð­ar­leið­toga. Áfram Guðni Th.“