Útnefnir ráðherra sem óvin Vestfjarða

Frestun á fram­kvæmdum við Hval­ár­virkjun í Árnes­hreppi hefur farið illa í virkj­ana­sinna á Vest­fjörðum. Magnús Reynir Guð­munds­son, fyrr­ver­andi vara­þing­maður Fram­sókn­ar­flokks segir „athygl­is­vert að fylgj­ast með við­brögðum óvina Vest­firð­inga“. Þetta kemur fram í aðsendri grein hans á vef­miðl­inum bb.is.

Magnús Reynir full­yrðir að Guð­mundur Ingi Guð­brands­son umhverf­is­ráð­herra hafi „stýrt aðför­inni gegn Vest­fjörðum frá skrif­stofu sinni“. Þá kallar hann Tómas Guð­bjarts­son athygl­is­sjúkan „hjarta-og barka­lækni“ sem skálað hafi í kampa­víni þegar hann hafi talið sig hafa unnið orr­ustu við hrepps­nefnd og íbúa Árnes­hrepps.

Tómas hefur verið óþreyt­andi í bar­áttu sinni gegn virkj­un­inni. Aðra nátt­úru­vernd­ar­sinna kallar Magnús „öfga-og yfir­gangs­menn“, sem flestir búi á höf­uð­borg­ar­svæð­inu. Telur Magnús að Land­vernd, undir for­ustu umhverf­is­ráð­herra, Guð­mundar Inga Guð­brands­sonar, hafi stöðvað virkj­un­ina með kæru­æði sem fjár­magnað hafi verið úr sér­sjóðum umhverf­is­ráðu­neyt­is­ins. Ráð­herr­ann hafi með þessu sýnt í verki hug sinn til íbúa Vest­fjarða. „Nýjasta hug­mynd hans er nú, að því er virð­ist, eftir frestun fram­kvæmda við Hval­ár­virkjun, að gera alla Vest­firði að þjóð­garði. Þjóð­garða­æði ráð­herr­ans er löngu komið út yfir öll vel­sæm­is­mörk og íbúar og margir þing­menn Norð­ur­lands og Suð­ur­lands munu t.d. ekki sam­þykkja frum­varp hans um risa­þjóð­garð á hálend­inu í óbreyttri mynd”.

Grein­ar­höf­undur spáir því að  Fram­sóknar-  og Sjálf­stæð­is­menn muni heldur vilja stjórn­ar­slit, en láta  umhverf­is­ráð­herra Vinstri grænna ráða för í þessu máli og öðrum.  Hann lýsir Land­vernd sem „hryðju­verka­sam­tökum”. Land­vernd HVS er ný skamm­stöfun hans á nátt­úru­vernd­ar­sam­tök­unum sem umhverf­is­ráð­herra starf­aði áður við sem  fram­kvæmda­stjóri.