„Þetta er með því hrokafyllsta sem ég hef lesið“

Í hverri viku tekur Mannlíf saman eft­ir­minni­leg ummæli. 

„Núna, þegar harðnar á dalnum, á að leggja allar byrðar á herðar hins almenna starfs­manns með slag­orðum sem lúta að því að fram­tíð félags­ins ráð­ist á því að launa­fólk afsali sér stórum hluta sinna rétt­inda.“ – Vil­hjálmur Birg­is­son, for­maður Verka­lýðs­fé­lags Akraness, fer ófögrum orðum um yfir­stjórn Icelandair á Facebook og segir launa­fólk fyr­ir­tæks­ins hlekkjað með keðjum.

„Þetta er ekki auð­velt djobb sem flug­fé­lög geta verið án. Þetta er gríð­ar­lega mik­il­vægur hlekkur í keðju sem bein­línis gengur út á þjón­ustu og öryggi. Að tala stétt­ina niður lýsir takt­leysi.“ – Guðmundi Gunn­ars­syni, fyrr­ver­andi bæj­ar­stjóra Ísa­fjarð­ar­bæjar, líkar ekki hvernig stéttin hefur verið töluð niður, en hann starf­aði sem flug­þjónn á árum áður.

„Djöfull er ég ánægð með flug­freyjur og styð þær alla leið. Eitt er víst að hávær kjara­bar­átta Eflingar, stétt­ar­fé­lags lægst laun­aða fólks­ins, er að skila sér inn í aðrar stéttir lands­ins. Þeir sem eru lægst laun­aðir hafa verið hávær­astir og með því gefið öðrum stéttum kjark til að taka slag­inn.“ – Steinunn Ólína Þor­steins­dóttir, leik­kona og rit­stjóri Kvenna­blaðs­ins.

„Vinstri menn eru víð­ast hvar, ekki síst á Norð­ur­löndum, löngu búnir að átta sig á mik­il­vægi varn­ar­sam­starfs frjálsra lýð­ræðs­ríkja. Þeir hafa einnig áttað sig á mik­il­vægi einka­rekst­urs, líka í vel­ferð­ar­þjón­ustu, meðan íslenskir vinstri menn eru pikk­fastir í for­tíð­inni.“ – Brynjar Níelsson, þing­maður Sjálf­stæð­is­flokks­ins.

„For­tíð­arskvaldrið ómar þar sem klapp­stýrur aft­ur­halds­ins halda áfram að því er virð­ist enda­lausum svana­söng bíla­borg­ar­innar í takt við dauða­teygjur arf­leifðar borg­ar­stjórn­ar­tíðar Davíðs Odds­sonar.“ – Dóra Björt Guð­jóns­dóttir, borg­ar­full­trúi Pírata, gefur lítið fyrir álit þeirra sem ekki vilja breyta öku­götum í göngu­götur.

„Þetta er með því hroka­fyllsta sem ég hef lesið. Sú sem lýsir sér sem tals­manni alls sem gott er en þeim sem eru henni ekki sam­mála sem full­trúum alls sem illt er, telur sig kannski vinna umræð­una, en svo er auð­vitað ekki. Það eru ákaf­lega fáir sem ekki sjá í gegnum svona sjálfs­upp­hafn­ing­arskvaldur.“ – Gunnar Smári Egilsson sós­í­alista­for­ingi um skrif Dóru.