Spáir því að margt fólk muni þurfa að nýta sér úrræðið

„Þetta er dýfa sem við munum von­andi spyrna okkur hratt upp úr,“ segir Unnur Sverr­is­dóttir, for­stjóri Vinnu­mála­stofn­unar, á upp­lýs­inga­fundi almanna­varna­deildar rík­is­lög­reglu­stjóra. Á fund­inum ræddi Unnur aðgerðir Vinnu­mála­stofn­unar vegna þeirrar stöðu sem blasir við á vinnu­mark­aði vegna útbreiðslu COVID-19.

Frumvarp Ásmundar Einars Daða­sonar, félags- og barna­mála­ráð­herra, um rétt til greiðslu atvinnu­leys­is­bóta sam­hliða minnk­uðu starfs­hlut­falli vegna tíma­bund­ins sam­dráttar í starf­semi vinnu­veit­anda var sam­þykkt á föstu­dag­inn.

Unnur spáir því að margt fólk muni þurfa að nýta sér úrræðið. Hún vonar að margt fólk geti nýtt sér úrræðið í stað þess að missa vinn­una og þannig við­haldi vinnu­veit­andi og starfs­maður ráðn­inga­sam­band­inu.

Unnur segir starfs­fólk Vinnu­mála­stofn­unar núna vinna dag og nótt við að koma umsókn á vef­inn. Hún vonar að umsóknin verði til­búin á vefnum á morgun þar sem fólk getur sótt um atvinnu­leys­is­bætur sam­hliða minnk­uðu starfs­hlut­falli á ein­faldan hátt.

Þá getur ein­stak­lingur sótt um á vef stofn­un­ar­innar og vinnu­veit­andi fer þá einnig inn á Mínar síður á vef stofn­un­ar­innar og stað­festir minnkað starfs­hlut­fall við­kom­andi starfs­manns.

„Við rennum blint í sjó­inn með hvaða fjöldi þetta er,“ segir Unnur.