Netverslanir blómstra á meðan aðdáendur Eurovision gráta sig í svefn

Góð vika – netverslanir

Í sam­komu­banni og sótt­kví blómstrar net­verslun sem aldrei fyrr og salan rýkur upp úr öllu valdi hvort sem um er að ræða mat­vöru­versl­anir eða versl­anir með annan varn­ing. Mælingar liggja ekki fyrir en nokkuð ljóst að salan hefur auk­ist gríð­ar­lega ef marka má fréttir af öng­þveiti hjá Amazon, upp­sveiflu í raf­bóka­sölu og áður óþekktan fjölda við­skipta­vina vef­versl­ana með kyn­lífs­leik­föng.

Þeir sölu­að­ilar sem ekki bjóða við­skipta­vinum upp á að versla í gegnum Netið hljóta að naga sig í hand­ar­bökin á meðan þeir sem selja í gegnum Netið nudda saman hönd­unum með doll­ara­merki í aug­unum þar sem fyr­ir­séð er að næstu vikur munu enn auka við­skiptin.

Slæm vika – aðdáendur Eurovision

Af öllum þeim áföllum sem kór­ónu­veiran hefur haft í för með sér er fátt sem gengið hefur eins nærri þjóð­inni og það að Eurovision-keppn­inni skyldi vera aflýst í vik­unni. Rama­kvein og harma­grátur hafa fyllt Twitter og Facebook og aðdá­endur keppn­innar líkja aflýs­ingu hennar við það að jól­unum hefði verið aflýst.

Ekki gerir það aflýs­ing­una létt­bær­ari að Íslend­ingar eygðu von um sigur í fyrsta sinn með fram­lagi Daða og Gagna­magns­ins sem senni­lega áttu enn verri viku en aðdá­endur keppn­innar. Eini ljósi punkt­ur­inn er að nú mun aldrei koma í ljós hvort sig­ur­vonin var raunsæ eða ekki og við getum haldið áfram að full­vissa okkur um að í þetta sinn hefðum við sko örugg­lega unnið.