Fólk ekki eins hissa þegar það fær símtal frá rakningateyminu

Ævar Pálmi Pálmason yfir­maður smitrakn­ingateymis almanna­varna­deildar rík­is­lög­reglu­stjóra og sótt­varn­ar­læknis segir sím­töl rakn­ingateym­is­ins ekki koma fólk jafn­mikið á óvart og þau gerðu fyrst.

Ævar sagði frá þessu á fundi almanna­varna­deildar rík­is­lög­reglu­stjóra í dag.

Hann sagði margt fólk hrein­lega búast við að fá sím­tal frá rakn­ingateym­inu þess efnis að það þurfi að fara í sótt­kví vegna kór­óna­veirunnar. Hann segir að þegar stað­fest smit voru færri hér á landi hafi fólk gjarnan orðið mjög hissa þegar það fékk sím­tal frá teym­inu en að hlut­irnir hafi breyst um helg­ina.

„Fólk átti jafn­vel von á þessu sím­tali um helg­ina,“ sagði Ævar.

Hann sagði smitrakn­ingateymið nú takast á við krefj­andi verk­efni sem stækki með hverjum deg­inum. „Það vex á hverjum degi og tekur breyt­ingum. Við erum alltaf að reyna að þróa verk­lagið og bæta það,“ útskýrði Ævar. Hann tók fram að mikil áhersla væri lögð á að nýta öll verk­færi og starfs­fólk teym­is­ins til hins ýtrasta þar sem nýjar hindr­anir yrðu á vegi þess á hverjum degi.