Heimspekingurinn Henry Alexander Henrysson gefur ekki mikið fyrir þau svör sem Katrín Jakobsdóttir forsætisráðherra Íslands gaf í Silfrinu þegar hún varð spurð út í Samherjamálið. Nánar tiltekið þegar hún var spurð út í stöðu sjávarútvegsráðherra í ljósi þessa máls.
„Tvisvar vék hún sér frá því að svara en ræddi um eftirlit með fyrirtækjum. Þegar á hana var gengið sagði hún nokkuð sem hefur setið í mér. Forsætisráðherra sagði um stöðu sjávarútvegsráðherra að „ekki væri hægt að dæma hann eingöngu út frá ásýndinni“. Hún bætti svo við að ekkert benti til að hann hafi haft vitneskju um málið. Hvoru tveggja var annaðhvort tilraun til að þvæla umræðuna og varpa ryki í augu áhorfenda eða dæmi um djúpstætt skilningsleysi um hvað málið snýst,“ skrifar Henry Alexander í pistli sínum.
„Tvisvar vék hún sér frá því að svara en ræddi um eftirlit með fyrirtækjum. Þegar á hana var gengið sagði hún nokkuð sem hefur setið í mér. Forsætisráðherra sagði um stöðu sjávarútvegsráðherra að „ekki væri hægt að dæma hann eingöngu út frá ásýndinni“.“
Hann bendir á að forsætisráðuneytið hafi á undanförnum árum viljað gefa þá ásýnd að því sé annt um traust almennings til kjörinna fulltrúa og stjórnsýslu. Skýrsluskrif og samningur við Siðfræðistofnun Háskóla Íslands hafi verið dæmi um viðleitni til þess að gefa þá ásýnd að skref séu tekin í rétta átt. En ásýndin sé ekki nóg, eins og Katrín sagði. Maður geti hlaðið í kringum sig ráðgjöf en hún skipti ekki miklu ef ekkert bendir til að maður fari eftir henni.
„Í Silfrinu var beinlínis pínlegt að sjá forsætisráðherra láta eins og hún hefði verið sátt við stöðu sjávarútvegsráðherra ef hún sæti í stjórnarandstöðu,“ skrifar Henry Alexander.
Hægt er að lesa pistilinn í heild sinni hér.
Athugasemdir