Tilgangurinn var ekki að græða peninga

Kári Stef­áns­son, for­stjóri Íslenskrar erfða­grein­ingar, segir útlit fyrir að sumt fólk haldi að hann og Íslensk erfða­grein­ing hafi ætlað að græða pen­inga á allri vinn­unni sem vís­inda­menn Íslenskrar erfða­grein­ingar lögðu til í krór­ónu­veiru­far­aldr­unum. Hann segir það vera ósatt og áréttar mis­skiln­ing­inn í færslu sem hann birtir á Facebook í dag.

Kári segir til­gang vinn­unnar alltaf hafa verið að taka þátt í að hemja útbreiðslu far­ald­urs­ins og tekur fram að vegna umræðu í fjöl­miðlum sjái hann sig knú­inn til að tjá sig um málið.

„Það bjó ekk­ert annað að baki þeirri skimun sem ÍE fram­kvæmdi eftir SARS-CoV-2 í íslend­ingum en löngun til þess að taka þátt í að hemja far­ald­ur­inn. Það sama á við um skimun­ina eftir mótefnum gegn veirunni. ÍE og eig­andi hennar Amgen hafa aldrei haft uppi áætl­anir um að búa til úr þess­ari vinnu sölu­vöru til þess hafa af fjárhagslegan ávinn­ing. Þegar ég hafði á sínum tíma sam­band við stjórn­endur Amgen og sagði að ég vildi hefja skimun var svarið sem ég fékk: „Í guð­anna­bænum gerðu það og bjóddu stjórn­völdum alla þá hjálp sem þú getur veitt.“ Það vill svo til að Covid-19 far­ald­ur­inn hefur laðað fram það besta í svo mörgum og meira að segja harðsvíruðum kap­ít­alistum eins og þeim sem stjórna lyfja­iðn­að­inum. Stærstu lyfja­fyr­ir­tæki heims hafa heitið því að gera sitt besta til þess að búa til eins fljótt og hægt er bólu­efni gegn veirunni og lyf til þess að lækna Covid-19 og dreifa þessu um allan heim án þess að græða á því fé. Þetta er ein­stakt og fal­legt og svona á heim­ur­inn að vera,“ skrifar hann í færsl­una.

Hann bætir við að löng­unin til að upp­götva eitt­hvað nýtt hafi svo rekið vís­inda­menn Íslenskrar erfða­grein­ingar áfram. Hann segir þá hafa fljótt farið að „fá eitt­hvað fyrir sinn snúð“.

„Það sem við fengum fyrir snúð­inn var sú gleði sem fylgir því að upp­götva eitt­hvað nýtt um eðli sjúk­dóma og heilsu. Við erum upp­götv­anafíklar og nýr sjúk­dómur sem ekk­ert er vitað um er hval­reki fyrir þá fíkn. Þetta var dópið beint í æð. Sem sagt við skimuðum ekki af góð­mennsku eða fórn­fýsi heldur til þess að hlúa að því sam­fé­lagi sem við búum og þannig að okkur sjálfum og síðan gerðum við það líka til þess að kom­ast í þá vímu sem við lifum fyrir.“

Færslu Kára má sjá hér fyrir neðan: