Guðmundur Franklín kallar Pírata kannabisklúbb

For­seta­fram­bjóð­and­inn skýtur föstum skotum á Smára McCarthy og Pírata.

Guð­mundur Franklín Jónsson, athafna­maður, skýtur föstum skotum á Smára McCarthy þing­mann Pírata á Facebook. Þar segir for­seta­fram­bjóð­and­inn orð­rétt: „Það er sagt að það heyr­ist hringlu­hljóð frá “stærð­fræð­ingnum” þegar hann kinkar kolli til sam­flokks­manna sinna í kanna­bis­k­lúbbnum.“

For­seta­fra­mjóð­and­inn á þar aug­ljós­lega við Pírata og Smára McCarthy, sem er mennt­aður stærð­fræð­ingur, en til­efni skrif­anna er sú full­yrð­ing Smára að frekjukast hjá Kára Stef­áns­syni, for­stjóra Íslenskrar erfða­grein­ingar, hafi orðið til þess að fyr­ir­tækið ákvað að hætta þátt­töku sinni í skimun á landa­mærum og slíta sam­skiptum við Land­lækn­is­emb­ættis.

Með færslu sinni deilir Guð­mundur Franklín svari Kára þar sem hann hrekur full­yrð­ingu Smára í löngu máli og segir meðal ann­ars: „Við björg­uðum því sem brargað varð og þegar við þurfum að snúa okkar að því að halda okkur sjálfum á floti flokk­ast það í huga Smára undir afleið­ingar frekjukasts. Hann er með skringi­legt höfuð á herðum sér hann Smári en alls ekki alvit­laust.“

Hér að neðan má sjá Facebook-færslu Guð­mundar Frank­líns.