Ólíklegt að Icelandair verði gjaldþrota

Sér­fræð­ingur í flug­rekstri telur litlar líkur á því að flug­rekstur Icelandair stöðv­ist vegna áhrifa COVID-19.

„Rík­is­stjórnin mun örugg­lega gera allt sem þarf til að styðja við fyr­ir­tækið í ljósi mik­il­vægi þess fyrir landið. Icelandair er líka þekkt vöru­merki og með gott orð­spor líkt og ráða­menn þjóð­ar­innar eru vafa­lítið með­vit­aðir um. Eyríki í miðju Atl­ants­hafi getur heldur ekki tekið áhætt­una hvað sam­göngur varðar. Að setja allt sitt traust á erlend flug­fé­lög sem Ísland hefur þá enga stjórn yfir er ekki skyn­sam­legt og ennþá eru áformin varð­andi Play óljós,“ segir Hans Jørgen Elnæs, norskur sér­fræð­ingur í flug­rekstri, í sam­tali við Túrista, en hann telur litlar líkur á að Icelandair verði gjald­þrota, þrátt fyrir krepp­una í flug­brans­anum á heims­vísu.

Elnæs álítur að rík­is­stuðn­ingur í formi lána muni ekki hjálpa Icelandair. Það þyngi aðeins skulda­bagg­ann, eins og það er orðað. Ríkið verði á end­anum að kaupa sig inn í Icelandair og þá eign­ast meira en helm­ing í félag­inu og svo sitja á sínum hlut í fimm til sjö ár, eða þar til „öruggt er að flug­fé­lagið kom­ist í gegnum þessa ókyrrð sem nú ríkir”. Flug­sam­göngur yrðu þar með tryggðar, bæði í milli­landa­flugi og inn­an­lands, sem skipti sköpum fyrir íslenskt þjóð­arbú.

„Þegar Icelandair er svo orðið sjálf­bært á ný þá getur ríkið selt sinn hlut og þá til íslenskra líf­eyr­is­sjóða og fjár­festa,” segir hann í sam­tali við Túrista. „Alla vega verður að tryggja að félagið sé áfram undir stjórn Íslend­inga en ekki erlendra fjár­festa.”