Þakka íslenskum gestum gistinýtinguna á árinu

„Við erum með hærri með­al­talsnýt­ingu fyrstu 6 mán­uði árs­ins en nokkur lands­hluti. Förum yfir Reykja­vík í fyrsta sinnið, erum ann­ars oft á pari við höf­uð­stað­inn. Langt yfir með­al­tali Suð­ur­lands. Við þökkum gestum áhug­ann,“ segir Ólafur Sig­urðs­son, eig­andi og hót­el­stjóri 360 Boutique Hótels í Flóa­hreppi.

Frá opnun hót­els­ins í ágúst 2018 hafði það nær ein­göngu þjón­u­stað erlenda gesti en vegna Covid-19 var ákveðið að kynna það fyrir Íslend­ingum í sumar. Boðið hefur verið upp á sér­stök kynn­ing­ar­verð fyrir íslenska ferða­langa sem hafa greini­lega tekið vel í fram­boðið. Rekstr­ar­að­ilar 360 hót­els segja það eitt af best geymdu leynd­ar­málum lands­ins.

Ólafur Sig­urðs­son, annar eig­enda og hót­el­stjóri.

„Það er til­finn­ing að sjá að það er hægt að bjarga sér á slíkum tímum. Það krefst smá útsjón­ar­semi. Íslenski mark­að­ur­inn hefur bjargað okkur í sumar. Við vissum að íslend­ingar eru spa fólk og mark­aðs­settum því spa með nuddi, stórum lúxus her­bergjum og góðum mat í júní og út sum­arið. Við þekkjum nú íslenska mark­að­inn vel, góðir kúnnar, og munum halda áfram að mark­aðs­setja okkur þar,“ segir Ólafur.

„Við búumst við að vet­ur­inn verði mjög rólegur. En útlend­ingar koma aftur, ekki spurn­ing, það er bara spurn­ing hvenær við verðum aftur komin á sama stað og 2019. Gæti orðið næsta sumar,“ segir Ólafur.