„Guðdómlega góður“ eftirréttur í hollari kantinum

Mat­ar­blogg­ar­inn Berglind Hreið­ars­dóttir, konan á bak við síð­una Gotterí og ger­semar, setti saman dásam­legan eft­ir­rétt í holl­ari kant­inum þar sem vör­urnar frá Til ham­ingju eru í aðal­hlut­verki.

Spurð út í rétt­inn sem hún kallar „holl­ustu­sælu“ segir hún hann vera bæði hráköku og osta­köku sem er fléttað saman.

„Ég fæ enda­lausar hug­myndir að upp­skriftum og vildi klár­lega að ég hefði meiri tíma til að geta prófað þær allar strax. Sumar eru þó þannig að þær troða sér fram fyrir aðrar á óska­list­anum þegar hug­myndin kemur upp og það var klár­lega þannig með þessa hér. Ég elska osta­kökur og hef gert góðar hrákökur í gegnum tíð­ina og lang­aði að prófa að sam­eina þetta tvennt. Úr varð holl­ustu­sælan en hún er í raun­inni hráköku­botn með osta­köku­fyll­ingu og hún var guð­dóm­lega góð!“

Berglind seg­ist vera mik­ill sæl­keri og eft­ir­rétta­að­dá­andi og stöðugt að þróa upp­skriftir sem eru í holl­ari kant­inum. „Til að hafa smá jafn­vægi í þessu öllu saman,“ segir Berglind og bendir fólki á að skoða vef­inn sinn. „Á síð­unni minni hef ég útbúið fleiri holl­ustu­upp­skriftir með Til ham­ingju vörum svo þær eru þar undir Hollara gott­erí.“

Lúxus með súkkulaðihúðuðum hnetum og ávöxtum

Spurð út í hrá­efnið í þessum spenn­andi eft­ir­rétt segir Berglind hnetur og döðlur spila stórt hlut­verk.

„Þegar ég útbý holl­ari upp­skriftir finnst mér gott að nota döðlur, hnetur, möndlur og fleira sem grunn í sæta bita. Í þess­ari köku nota ég slíkt ásamt því að bæta súkkulaði- og jógúrt­húð­uðum hnetum og ávöxtum saman við, til að hafa aðeins meiri lúxus. Osta­fyll­ing með jarð­ar­berja­bragði gefur síðan ferskt bragð og fer ein­stak­lega vel með botn­inum,“ útskýrir Berglind.

Hollustusæla

Upp­skriftin dugar í um sex litlar skálar

Mulningur í botninn

• 200 g Til ham­ingju hnetur og ávextir með súkkulaði og jógúrt­húð
• 90 g Til ham­ingju döðlur
• 50 g Til ham­ingju möndlur með hýði
• 50 g Til ham­ingju pek­an­hnetur
• 20 g Til ham­ingju kókos­flögur
• 1 ban­ani

1. Setjið allt nema ban­ana í bland­ara/mat­vinnslu­vél og tætið niður í grófan muln­ing.
2. Stappið þá ban­an­ann og bætið honum út í og blandið aftur stutta stund.
3. Setjið kúf­aða mat­skeið í botn­inn á nokkrum litlum skálum og útbúið næst osta­kök­una til að setja ofan á.

Ostakaka

• 260 g rjóma­ostur við stofu­hita
• 70 g flór­sykur
• 1 tsk. vanillu­sykur
• 250 g maukuð fersk jarð­ar­ber
• 300 g stíf­þeyttur rjómi

1. Þeytið saman rjóma­ost, flór­sykur og vanillu­sykur.
2. Vefjið þá jarð­ar­berjam­auk­inu saman við og því næst rjóm­anum.
3. Setjið í stóran zip-lock poka og skiptið niður í skál­arnar.
4. Hægt er að plasta og kæla kök­una á þessu stigi og skreyta síðar (í lagi að geyma yfir nótt).

Rjómi og skraut

• 150 g þeyttur rjómi
• Gróft saxaðar Til ham­ingju hnetur og ávextir með súkkulaði og jógúrt­húð
• Fersk jarð­ar­ber

1. Sprautið smá af þeyttum rjóma í miðj­una á hverri köku.
2. Stráið hnetum og ávöxtum yfir og að lokum fersku jarð­ar­beri.

Berglind er hrifin af vör­unum frá Til ham­ingju.

Stúdíó Birtíngur í sam­starfi við Til ham­ingju.