Óskar Steinn segir lögregluna ganga of langt: „Skammist ykkar að birta svona“

Óskar Steinn Jón­ínu­son Ómarsson, vara­for­maður Ungra jafn­að­ar­manna og fyrr­ver­andi rit­ari Sam­fylk­ing­ar­innar, segir lög­regl­unni til synd­anna á Twitter. Hann segir lög­regl­una tala alltof óvar­lega um atvik sem varð­aði 15 ára stúlku.

Í dag­bók lög­reglu kom fram að hún hafi þurft að beita 15 ára stúlku valdi í Breið­holti í gær­kvöldi þar sem hún hafi verið ölvuð og látið ófrið­lega. Atvikinu er lýst nokkuð svo að hún hafi fyrst neitað að segja til nafns og því næst kastað stól í átt að lög­reglu­mönnum.

Hún hafi því verið færð í „lög­reglu­tök“ en að lokum sleppt í hendur móður sinnar. Óskar Steinn telur lög­regl­una gera of mikið mál úr þessu í dag­bók sinni. „Hvaða erindi á þetta við almenn­ing? Af hverju þarf að lýsa afskiptum af barni með svo nákvæmum hætti? Til að krakk­arnir í hverf­inu fái eitt­hvað til að slúðra um? Í alvöru lög­reglan, hættið þessu,“ skrifar hann og bætir við:

„Það þarf ekki mikið til að allt hverfið frétti hver stúlkan og móðir hennar eru og nú hafið þið gefið út nákvæma frá­sögn af bæði atburð­ar­rásinni og ástandi stúlkunnar. Þetta getur gert mjög erf­iða stöðu þeirra miklu verri. Skammist ykkar að birta svona.“

Lög­reglan svarar honum og segir: „Sitt sýn­ist hverjum – það er mikil eft­ir­spurn frá almenn­ingi og öðrum að fá upp­lýs­ingar um verk­efni okkar – þarna er per­sónu­verndar gætt og ekk­ert sem sýnir hver stúlkan er.“

Elísabet nokkur spyr hvort stúlkan fái áfalla­hjálp þar áfallastreita fylgi oft að vera beittur valdi. Því svarar lög­reglan: „Nú bara vitum við það ekki. En barna­vernd­ar­yf­ir­völdum er gert við­vart og von­andi fær hún aðstoð.“