Jón Víglundsson er látinn: „Hann verður öllum þeim sem honum kynntust eftirminnilegur“

Jón Víglunds­son, bak­ara­meist­ari og vin­sæll ástríðu­skák­maður, er lát­inn. Hann varð 85 ára.  Skák.is greinir frá and­láti hans. Jón stofn­aði Árbæj­ar­bak­arí og rak lengi en hætti því fyrir um tutt­ugu árum eftir áfall.

Skák birtir minn­ing­ar­grein um Jón og er hann þar sagður hafa verið mjög áber­andi í skák­sam­fé­lag­inu á Íslandi.

„Þau döpru tíð­indi bár­ust fyrir viku síðan að Jón Víglunds­son, bak­ara­meist­ari, sigl­inga­kappi, söngv­ari og ástríðu­skák­maður m.m., væri lát­inn 85 ára að aldri. Hann verður öllum þeim sem honum kynnt­ust eft­ir­minni­legur. Jón hafði teflt sér til ánægju og ynd­is­auka frá unga aldri. Hann var meðal öfl­ug­ustu skák­manna Tafl­fé­lags Reykja­víkur á sjötta ára­tug síð­ustu aldar, með­fram stífu námi í bak­ara­iðn hjá Guðmundi Ágústs­syni, bak­ara og skák­meist­ara,“ segir í minn­ing­ar­grein­inni.

Jón varð fyrir alvar­legu áfalli fyrir tveimur ára­tugum sem skerti skamm­tíma­minni hans. Skák varð honum þó heilsu­bót.

„Eftir að far­sælum starfs- og sigl­inga­ferli lauk, var það tafl­mennskan sem átti hug hans allan. Hann var allra öld­unga ötulastur við að tefla sér til afþrey­ingar og yndis síð­ustu tvo ára­tug­ina, stundum oft í viku. Fór iðu­lega létt með að taka menn „í bak­aríið“ í veltefldum sókn­ar­skákum hvort heldur var í RIDDARANUM; KR; ÁSUM-FEB; KORPÚLFUM; og GALLERÝ SKÁK hér áður fyrr,“ segir í grein­inni.

Hann var mik­ill öðlingur við skák­borðið. „Heila­brot voru honum holl æfing og sann­kölluð heilsu­bót og gleði. Það háði honum ekki við skák­borðið þó minnið brygð­ist honum stundum varð­andi úrslitin. Var allra manna hátt­vísastur við skák­borðið þótt harð­snú­inn keppn­is­maður væri og hefði marga fjör­una sopið bæði til sjós og lands. Bauð gjarnan jafn­tefli í stað þessa að slá menn niður á tíma þegar staðan bauð upp á það.“