Kjartan stýrir nýjum milljarða frumkvöðlasjóði

Nú á haust­mán­uðum verður ýtt úr vör nýjum átta millj­arða vís­is­sjóði, Brunnur vaxt­ar­sjóður, sem ætlað er að taka meðal ann­ars þátt í frum­kvöðla- og nýsköp­un­ar­verk­efnum. Frum­kvöð­ull­inn Kjartan Örn Ólafsson hefur gengið til liðs við sjóð­inn sem einn af fjár­fest­ing­ar­stjórum þess.

Sjóð­ur­inn var stofn­aður árið 2015. Kjartan hefur stofnað og rekið eigin nýsköp­un­ar­fyr­ir­tækið bæði á Íslandi og í Banda­ríkj­unum. Má þar nefna félög eins og Basno, GRID, Já, Data­mar­ket og TeaTime. Árið 2011 stofn­aði Kjartan tækni­fyr­ir­tækið Basno Inc. sem starfar í New York og tryggði því fjár­mögnun frá leið­andi banda­rískum vís­i­sjóðum. Áður var hann um ára­bil fram­kvæmda­stjóri á við­skipta­þró­un­ar­sviði fjöl­miðla­fyr­ir­tæks­ins Ber­tels­mann Inc. í New York. Þar stýrði hann nýsköp­un­ar­verk­efnum fyrir dótt­ur­fyr­ir­tæki þess svo sem Random House, SonyBMG Music og Frem­antle Media sem öll eru leið­andi á heims­vísu á sínu sviði.

„Kjartan hefur ára­tuga reynslu af árang­urs­ríku nýsköp­un­ar­starfi. Hann er reyndur frum­kvöð­ull bæði hér á Íslandi og erlendis auk þess að vera far­sæll engla­fjár­festir. Hann hefur viða­mikið tengsla­net í frum­kvöðla- og vísi­heim­inum í Banda­ríkj­unum. Við höfum kynnst vel í gegnum starfið hjá Brunni og vitum að við eigum leið saman. Það gleður okkur inni­lega að fá hann í teymið og sem með­eig­anda í sjóðnum“, segir Árni Blöndal fjár­fest­inga­stjóri og annar stofn­enda Brunns Ventures.

Und­an­farin ár hefur Kjartan verið virkur í íslensku nýsköp­un­ar­starfi bæði beint og í gegnum nýsköp­unar- og við­skipta­þró­un­ar­fé­lag sitt Volta ehf. og hefur meðal ann­ars verið val­inn íslenskur engla­fjár­festir árs­ins af Nordic Startup Awards. Utan við­skipta­lífs­ins hefur Kjartan setið í stjórnum fjöl­margra sam­taka og stofn­ana svo sem American-Scandinavian Foundation, Hörpu tón­list­ar­húss, verið stjórn­ar­for­maður Lista­há­tíðar í Reykja­vík og er stjórn­ar­for­maður UNICEF á Íslandi.

Kjartan las heim­speki og rök­fræði til BA-prófs við Háskóla Íslands og Háskól­ann í Genúa á Ítalíu, og lauk MBA-gráðu frá Harvard Business School. „Ég hef setið í stjórn Brunns vaxt­ar­sjóðs frá stofnun og hef unnið náið með þeim Sigurði Arn­ljóts­syni og Árna Blöndal, fjár­fest­inga­stjórum Brunns Ventures. Sjóð­ur­inn hefur náð eft­ir­tekt­ar­verðum árangri og því er spenn­andi að taka þátt í stofnun næsta sjóðs og slást í hóp­inn sem fjár­fest­inga­stjóri. Það er fjöl­margt áhuga­vert að gerj­ast meðal íslenskra frum­kvöðla. Ég hlakka til að vinna með þeim og nýta reynslu mína til að auka lík­urnar á að íslensk nýsköp­un­ar­fyr­ir­tæki nái árangri á heims­vísu“, segir Kjartan Örn Ólafsson.