Skuggahliðar Covid: Kreppan bitnar verst á konum, ungu fólki og innflytjendum

Efna­hag­skreppan sem fylgir kór­ónu­veiru­faldr­inum er þungt högg fyrir ungt fólk og inn­flytj­endur. Munur er eftir land­svæðum og kyni. Konur koma hlut­falls­lega verr út en karlar.

Þetta kemur fram í skýrslu sér­fræð­inga­hóps verka­lýðs­hreyf­ing­ar­innar um efna­hags­leg áhrif Covid hér á landi. Hópurinn hóf störf í síð­asta mán­uði. Í skýrsl­unni kemur meðal ann­ars fram að efna­hags­legur sam­dráttur hér­lendis hefur bitnað meira á erlendum rík­is­borg­urum umfram íslenska. Mikið atvinnu­leysi má finna í þessum hópi, langt umfram lands­með­al­tal.

Þá fer atvinnu­leysi meðal ungs fólks vax­andi og mælist nú rúm 18 pró­sent hjá fólki á aldr­inum 16 til 24 ára. Þar virð­ist kreppan koma sér­stak­lega illa niður á konum, bæði í starfi og inni á heim­ilum. Konur í lægri mennt­unar- og tekju­flokkum verða fyrir mestum áhrifum í yfir­stand­andi efna­hags­sam­drætti.

Þá sýna tölur að atvinnu­leysi hefur komið niður af miklum þunga á íbúum Suð­ur­nesja og Suð­ur­lands. Í skýrsl­unni segir að hlut­falls­leg aukn­ing atvinnu­leysis á Suð­ur­nesjum nemi 92 pró­setum frá því mars síð­ast­liðnum. Sér­fræð­ingar verka­lýðs­hreyf­ing­ar­innar hvetja stjórn­völd til að ein­blína sér­stak­lega á ungt fólk og erlenda rík­is­borg­ara auk svæð­is­bund­ins atvinnu­leysis á áður­nefndum svæðum. Þá sé mik­il­vægt að fylgj­ast einnig með hinum kyn­bundnu áhrifum Covid-krepp­unnar.