Vesturbæingar dauðhræddir við póstinn: „Þetta er eins og í villta vestrinu“

Íbúar í Vesturbæ Reykja­víkur kvarta sáran undan þrí­hjóla póst­burð­ar­hjólum sem bruna um göngu­stíga hverf­is­ins. Þeir líkja ástand­inu við Villta vestrið þar sem gang­andi veg­far­endur séu í stór­hættu vegna glanna­akst­urs póst­burð­ar­fólks.

Hávær umræða er um póst­burð­ar­hjólin í hverf­is­grúbbu Vest­ur­bæjar á Facebook. Til umræð­unnar stofn­aði Anna Björk Hjörvar sem lenti í stór­hættu með ungri dóttur sinni. „Jæja…. er bara allt í lagi að 3ja hjóla “póst­hjól” (hjól frá póst­inum, með vel búnum öku­manni) eða hvað það er sem þetta á að kalla, fái bara að keyra á, göngu­stígum, gang­stéttum OG stoð­brautum??? Ég var að ganga heim með 6.ára dóttur minni. Við vorum þarna rétt eftir klukkan 16:00 (lok skóla­dags) þegar mörg börn og full­orðnir eru þarna á ferð. Hún rétt slapp undan þrí­hjóli frá póst­inum sem ók mjög hratt. Svo kom annað strax á eftir. Á álíka hraða, sem ekki á að mínu mati að við­gang­ast á göngu­stígum. Eða hvað???? Er ég að missa af ein­hverjum reglu­gerðum og ég að fara keyra og sækja hér eftir????? Í Borginni sem vill mig á reið­hjól. Mömmunni, mér varð svo mikið um að ég náði ekki mynd,“ segir Anna.

Hrafn­hildur Eiðs­dóttir hefur svip­aða sögu að segja. „Við lentum í þessu líka þarna á sama stað um dag­inn, minn strákur var á hjóli, rétt slapp við póst­hjólið þarna í beygj­unni, einmitt um kl. 16. Póst­ur­inn er með ein­hvern bíl­skúr í blokk­unum þarna nálægt þar sem hjólin eru geymd og þangað fór þessi öku­maður sem ég sonur minn vorum sam­mála um að væri frekar öku­níð­ingur,“ segir Hrafn­hildur.

Margir íbú­anna telja rétt­ast að láta Póstinn vita af glanna­skap póst­burð­ar­fólks í Vest­ur­bænum. „Ég hef mætt þeim á miklum hraða á Hring­braut­inni, þ.e. á gang­stétt. Maður á fótum sínum fjör að launa,“ segir Katrín Anna nokkur. Filippía Þóra Guð­brands­dóttir ótt­ast að beðið sé eftir því að alvar­legt slys verði áður en gripið verði til aðgerða. „Þetta ástand er eins og í villta vestr­inu. Meðan létt bif­hjól, raf­skútur, rafm.reið­hjól, racerar og allt hvað þetta nú er og heitir mega vera inn­anum gang­andi á gang­stéttum þá er bara spurn­ing um hvenær verður alvar­legt slys. Það er venjan að gera ekk­ert fyrren það hefur orðið – sem er óásætt­an­legt,“ segir Filippía.