Mynd sem mbl.is birti af lögreglukonu við störf fer eins og eldur í sinu á samfélagsmiðlum. Tugir Íslendinga vekja athygli á málinu á Twitter. Þar má sjá að lögreglukonan er búin að sauma þrjá fána á búning sinn og allir þrír hafa vafasama tengingar. Eitt þeirra er flokkað sem haturtákn af Anti-Defamation League, mannréttindasamtökum gyðinga í Bandaríkjunum.
Einn maður spyr: „Er lögreglan meðvitað að reyna að snúa almenningi gegn sér? Hvaða stemmari er að grasserast inná þessari stofnun?“.
Fyrsta merkið er íslenski fáninn en búið að dekkja hann og setja blá línu í miðjuna. Það er vitnun í andstöðu lögreglumanna í Bandaríkjunum við réttindabaráttu svartra, Black lives matter. Í miðjunni er svo íslenski fáninn en í dekkri útgáfu. Sá hefur ekki tengingu við öfgaskoðun en brýtur tvímælalaust fánalöginn.
Síðasti fáninn er þó vafasamastur, hinn svokallaði Vínlandsfáni. Sá fáni á rætur að rekja til hljómsveitarinnar Type O Negative en í seinni tíð hafa nýnasistar eignað sér hann. Fyrrnefnd samtök flokka fánan meðal haturstákna.
Einn Íslendingur á Twitter efast um að lögreglukonan elski bandarísku metal hljómsveitina. „Hvort þykir þér líklegra að lögreglumaður saumi á vestið sitt nýnasistaáróður eða type 0 negative merki? Ég er T0N aðdáandi en er ekki í neinum vafa hvað þetta merkir þarna.“
Lögfræðingurinn og frjálshyggjumaður Sævar Guðmundsson spurði lögregluna í morgun: „Hverjar eru reglur logreglan um svona “thin blue line” og “The Punisher” merkingar á grunni íslenska fánans?“ Lögreglan hefur enn ekki svarað fyrirspurnum hans og almennings um málið.
Athugasemdir