Ný aðferð til að sótthreinsa – hreinsar á augabragði

Fyr­ir­tækið Traust þrif, býður upp á sótt­hreins­anir og þrif með nýrri og skjót­virkri aðferð.

„Við­tök­urnar hafa verið góðar, enda er þessi lausn sniðug og hefur reynst vel. Fyr­ir­tæki ættu auð­vitað að leggja á kapp á að halda umhverf­inu á vinnu­staðnum hreinu og ekki að draga úr því, enda væri það ekki gott í stöð­unni,“ segir Edith Odd­steindóttir, eig­andi og fram­kvæmda­stjóri fyr­ir­tæk­is­ins Traustra þrifa.

Eins og heitið gefur til kynna taka Traust þrif að sér hrein­gern­ingar og sótt­hreins­anir í fyr­ir­tækjum og nú býður fyr­ir­ækið upp á nýja og skjót­virka aðferð sem hefur gefið góðan árangur. „Við mætum á stað­inn útbúin sér­stakri vél, það er úða­byssu með hreinsi­efni í sem sótt­hreinsar snertifleti á auga­bragði,“ lýsir Edith. „Við byrjum á einum enda í rým­inu, göngum hring­inn með tækið og úðum sér­stak­lega á snertiflet­ina. Í venju­legu fund­ar­her­bergi tekur ekki nema nokkrar mín­útur að sótt­hreinsa svæðið.“

Huga vel að helstu snertiflötum

Hún segir reynsl­una í ár hafa kennt okkur hversu mik­il­vægt sé að huga vel að snerti­flötum. „Til dæmis voru smit um dag­inn rakin til kaffi­vélar. Það und­ir­strikar mik­il­vægi þess að sótt­hreinsa allt hátt og lágt. Sumir snertifletir virð­ast nefni­lega gleym­ast, eins og fjar­stýr­ingar eða tölvu­mýs í fund­ar­her­bergjum, pennar og gard­ínu­spottar. Starfs­maður á skrif­stofu, sem er að öllu jafn­aði mjög dug­legur að sótt­hreinsa, pælir ef til vill ekk­ert endi­lega í þessu en þetta getur gerst. Þess vegna leggjum við áherslu að yfir­fara svæði vand­lega og úðum sér­stak­lega á snertifleti sem vilja verða út undan þegar verið er að sótt­hreinsa.“

Ánægja með þjónustuna

Spurð hvernig þjón­ust­unnni hafi verið tekið segir hún við­skipta­vini ánægða. „Við erum að taka að okkur þrif hjá alls konar fyr­ir­tækjum. Sjáum til dæmis um stór skrif­stofu­hús­næði þar sem miki­vægt er að við­halda hreinum snerti­flötum og förum í versl­anir og erum þá eldsnögg að hreinsa inn­kaupa­kerrur, herða­tré og annað sem fólk er að snerta. Fyr­ir­tækj­unum sem kaupa af okkur þjón­ustu ber saman um að þjón­ustan sem við veitum sé per­sónu­leg og sniðin að þörfum hvers og eins. Fólk er mjög ánægt með hana.“

Fylgja sóttvarnarstöðlum

Edith tekur fram að Traust þrif fylgi helstu sótt­varn­ar­stöðlum enda séu starfs­menn fyr­ir­tæk­is­ins fag­menn fram í fing­ur­góma og ýmsu vanir. „Sjálf stofn­aði ég Traust þrif árið 2017 og var þá með að baki margra ára reynslu á þessu sviði. Við höfum unnið við myglu-, iðn­aðar- og sótt­hreinsi­þrif í sam­starfi við Eis bygg­inga­verk­taka og þjálfað okkar fólk í þess konar þrifum sem krefst nákvæmni og að farið sé eftir verk­ferlum í einu og öllu.“

Bjóða viðskiptavinum tilboð

Hún bætir við að um þessar mundir séu Traust þrif með til­boð í gangi. „Já, við erum að bjóða stærri og minni fyr­ir­tækjum þessar sótt­varnir. Bjóðum upp á að koma inn í rými sem er allt að 200 fer­metrar og getum sótt­hreinsað það fyrir 12.000 kr. auk virð­is­auka­skatts. Og eins og ég segi, ef þú ert með góðar græjur og góð efni, eins og í okkar til­viki, þá tekur þetta fljótt af.“

Edith segir að áhuga­samir getið aflað sér frek­ari upp­lýs­inga á vefnum traust­t­hrif.is og á síðum Traustra þrifa á Facebook og Instagram og eins með því að senda skila­boð á net­fangið [email protected]

Traust þrif í sam­starfi við Stúdíó Birtíng