„Ekki mannréttindi að mega smita aðra“

„Það eru ekki mann­rétt­indi að mega ganga um og smita aðra. Það er ekki mann­rétt­inda­brot að vera í sótt­kví,“ skrifar Guð­mundur Andri Thorsson, alþing­is­maður Sam­fylk­ingar vegna þess við­horfs Brynjars Níels­sonar alþing­is­manns ap sótt­varna­yf­ir­völd séu komin yfir öll eðli­leg mörk í aðgerðum sínum og brjóti mann­rétt­indi.

Brynjar er harð­orður í grein sinni. Hann krefst þess að búa í frjálsu sam­fé­lagi.

„Nú er svo komið að með­virkni minni er lokið. Ég veit auð­vitað ekki frekar en aðrir hvað er alltaf rétt að gera í stöð­unni hverju sinni. Tíminn mun kannski leiða það í ljós. Ég vil samt búa í frjálsu sam­fé­lagi. Til að tak­marka frelsið svona mikið þarf meira neyð­ar­á­stand en þessa veira veldur    ,“ skrifar Brynjar.

Guð­mundur Andri sakar félaga sinn um sýnd­ar­mennsku.

„Það jafn­gildir ekki alræði að kom­ast ekki í sund eða rækt­ina. Þetta er óþægi­legt og hvim­leitt og skelfi­legt fyrir rekstr­ar­að­ila, en við hin ættum að reyna að hemja okkur í písl­ar­vætt­inu. Já eða – svo notað sé vin­sælt orð – sýnd­ar­mennsk­unni.